Санал асуулга
Санал асуулга байхгүй байна!
Дэлхийн цаг
Ulaanbaatar, Mongolia
Kabul, Afghanistan
Khartoum,Sudan
Juba,South Sudan
Мэдээ, мэдээлэл
2014 оны 09 сарын 25 | enkhtuvshin
   

Бүгд Найрамдах Турк Улсын Батлан хамгаалахын сайд Исмет Илмаз тэргүүтэй Туркийн батлан хамгаалах салбарын төлөөлөгчид өнөөдрөөс эхлэн хоёр өдрийн турш манай оронд саатан албан ёсны айлчлал хийж байна.

БНТУ-ын Батлан хамгаалахын сайд Исмет Илмазыг Монгол Улсын БХЯ-нд хүрэлцэн ирэхэд Монгол Улсын Батлан хамгаалахын сайд Д.Бат-Эрдэнэ хүндэт харуулын хамт хүндэтгэн угтан авч, Монгол оронд айлчлан саатсанд талархлаа илэрхийлсний дараа албан ёсны хэлэлцээр эхэлж, хоёр орны харилцаа, түүний дотор батлан хамгаалах салбарын харилцаа, хамтын ажиллагаа, түүний цаашдын төлөвийн талаар харилцан санал солилцлоо.

2014 оны 09 сарын 24 | enkhtuvshin
   

ЗХЖШ-ын дарга, дэслэгч генерал Ц.Бямбажав БНЭУ-ын Хуурай замын цэргийн штабын дарга, дэслэгч генерал Далбир Сингхийн урилгаар тус улсад албан ёсны айлчлал хийж байна.

Дэслэгч генерал Ц.Бямбажав дагалдан яваа бүрэлдэхүүний хамтаар Amar Jawan Jyoti буюу Дайнд амь үрэгдсэн дайчдын дурсгалын цогцолборт цэцэг өргөснөөр албан ёсны айлчлал эхэллээ. Цэцэг өргөсний дараа тус улсын Батлан хамгаалах яамны төв байранд хүрэлцэн очиж, БНЭУ-ын Хуурай замын цэргийн штабын дарга, дэслэгч генерал Далбир Сингхтэй албан ёсны уулзалт хэлэлцээ хийлээ. 

2014 оны 09 сарын 22 | enkhtuvshin
   

Бүгд Найрамдах Турк Улсын Батлан хамгаалахын сайд Исмет Илмаз тэргүүтэй Туркийн батлан хамгаалах салбарын төлөөлөгчид 25-26-ны өдрүүдэд Монгол Улсад албан ёсны айлчлал хийнэ.

 

Энэхүү айлчлал нь хоёр улсын хооронд дипломат харилцаа тогтоосны 45 жилийн ойн үеэр тохиож байгаагаараа онцлог юм. Айлчлалын хүрээнд зөвхөн батлан хамгаалах саолбараар зогсохгүй хоёр улсад холбогдох бусад олон сэдэвт асуудлаас гадна бүс нутгийн болон олон улсын асуудлыг авч хэлэлцэхээр төлөвлөжээ.   

2014 оны 09 сарын 22 | enkhtuvshin
   

Монгол Улсын Ерөнхийлөгч Ц.Элбэгдоржийн урилгаарманай улсад айлчлаад буцсан Оросын Холбооны Улсын Ерөнхийлөгч В.В.Путины айлчлалын дуулиан дарагдаагүй байна.

 

Зургаахан цаг саатахдаа манай орны нийгэм, эдийн засгийн олон асуудлыг шийдэхүйц гэрээ, протоколыг тамгалж, баталгаажуулсан билээ. Үүний зэрэгцээ Халхын голын дайны ялалтын түүхэн 75 жилийн ойг тохиолдуулан ирсэнээ нотолж,ЗХУ-ын дөрвөн удаагийн, БНМАУ-ын баатар маршал Г.К.Жуковын хөшөөнд цэцэг өргөж, Батлан хамгаалах яамны харьяа Монгол цэргийн музейн салбар Г.К.Жуковын гэр музейг үзэж сонирхож, урлагийн тоглолт үзэж багагүй хугацааг өнгөрүүлсэн юм. 

2014 оны 09 сарын 22 | enkhtuvshin
   

Батлан хамгаалах эрдэм шинжилгээний хүрээлэн, “Монгол генерал төв” ТББ, Завхан аймгийн нутгийн зөвлөл, Үндэсний тагнуулын академиас хамтран “Б.Дорж-Төр, нийгэм, цэрэг, дипломат албаны нэрт зүтгэлтэн” сэдэвт эрдэм шинжилгээний бага хурал саяхан боллоо.

 

Энэхүү эрдэм шинжилгээний хуралд БХЯ-ны Төрийн нарийн бичгийн дарга, хошууч генерал З.Болдбаатар, ГХЯ-ны Дипломатын академийн захирал, Онц бөгөөд бүрэн эрхт элчин сайд, доктор Х.Бэхбат, Геополитикийн хүрээлэнгийн захирал, доктор, хошууч генерал Д.Мягмар, “Батын Дорж” сангийн тэргүүн Ц.Мянган нарын судлаач эрдэмтэд, Монгол Улсын батлан хамгаалах салбарын үйлс зорилго нэгтнүүд нь оролцож, Монгол Улсын тусгаар тогтнол, бүрэн эрхт байдлыг агуу их ялалтаараа даян дэлхийд дархлан тунхагласан эрэлхэг дайчин ахмад үеийн маань нэгэн төлөөлөгч, эдүгээ мэндэлснийх нь 100 насны сүүдэр тохиож буй Монгол Улсын баатар, армийн генерал Батын Доржийн амьдрал, зан чанар, ажил албандаа эзэн байсан талаарх бүхий л чиглэлээр хийсэн судалгааныажлынхаа үр дүнг хэлэлцэж байгаа билээ.

2014 оны 09 сарын 18 | enkhtuvshin
   

НАТО-гийн Умард Атлантын зөвлөл 2014 оны 8 дугаар сарын 21-ний өдрийн хуралдаанаараа Монгол Улсын Зэвсэгт хүчний 311 дүгээр ангийн Энхийг дэмжих ажиллагааны сургалтын төв /ЭДАСТ/-ийг "НАТО-гийн боловсрол, сургалтын төвүүд"-ийн сүлжээнд оруулах асуудлыг хэлэлцэн шийдвэрлэж ЭДАСТ-ийг НАТО-гийн боловсрол, сургалтын төв гэж хүлээн зөвшөөрч батласныг тус байгууллагын Улс төр, аюулгүй байдлын бодлогын ерөнхий газраас албан ёсоор мэдэгдлээ. 

2014 оны 09 сарын 11 | enkhtuvshin
   

Нийслэлийн Засаг даргын 2014 оны “Цэргийн дүйцүүлэх албан хаагчдын гүнзгийрүүлсэн шатны сургалт зохион байгуулах тухай” А/762 дугаар захирамж гарлаа.

2014 оны 09 сарын 11 | enkhtuvshin
   

Нийслэл, дүүргийн Засаг даргын Тамгын газраас Халхын голын байлдааны ялалтын 75 жилийн ойг тэмдэглэн өнгөрүүлэх төлөвлөгөөний дагуу Хэнтий, Дорнод аймгийн Зэвсэгт хүчин болон Хилийн ангиудад Улаанбаатар хотоос цэргийн жинхэнэ албанд татагдан алба хааж байгаа дайчдыг эргэж, санал хүсэлт, мэндчилгээг уламжлах ажлыг зохион байгууллаа.

2014 оны 09 сарын 08 | enkhtuvshin
   

Халхын голын байлдааны ялалтын 75 жилийн ойг тохиолдуулан Монгол Улсын Ерөнхийлөгч Ц.Элбэгдорж зарлиг гаргаж ахмад дайчдыг төрийн дээд цол, одонгоор шагналаа. Ахмад дайчдын төлөөлөлд шагналыг гардуулан өгөв.

1939 оны Халхын голын байлдааны ялалтын 75 жилийн ойг тохиолдуулан Халхын голын байлдаан, 1945 оны чөлөөлөх дайнд оролцож, эх орныхоо эрх чөлөө, тусгаар тогтнолыг батлан хамгаалах эрхэм үйлсэд дайчин нөхдөө удирдан, өөрийн амь биеэ үл хайрлан эрэлхэг зоригтой баатарлагаар тулалдаж, хойч үедээ үлгэр дууриал үзүүлсэн түүхэн гавьяаг нь өндрөөр үнэлж ахмад дайчин Пунцагийн Шагдарсүрэнд Монгол Улсын баатар цол хүр­тээж, баатар цолны Ал­тан таван хошуу тэмдэг, Сүх­баатарын одонгоор шагналаа.



2014 оны 09 сарын 08 | enkhtuvshin
   

Халхын голын дайны ялалтын түүхт 75 жилийн ойг тохиолдуулан бүтээсэн “Халхын гол” ном хэвлэгдэн, уншигчдын хүртээл болоход бэлэн болжээ.

 

Монгол Улсын тусгаар тогтнол, нутаг дэвсгэрийн бүрэн бүтэн байдал, хүн ардынхаа амар амгаланг сахин хамгаалахын төлөө манай ард түмэн, ахмад үеийнхэн амь, бие хайргүй хэрхэн тэмцэж ирсэн, үүнд Оросын арусд түмэн хэрхэн тусалсаныг өнөө үеийнхэнд ойлгуулах, залуу өсвөр үеийнхэн, цэрэг дайчдыг өвөг дээдсийн уламжлал, эх оронч үзэл сэтгэлээр хүмүүжүүлж, дайнд оролцогчид, ялалтад хувь нэмрээ оруулагчдын гавьяа зүтгэлийг мөнхөлж, дурсгалыг хүндэтгэх, энэхүү ялалт ямар их үнээр олдсоныг үеийн үед сануулан байхад Халхын голын дайны түүхт ойг тэмдэглэн өнгөрүүлэх ажлын утга учир оршдог билээ. 

Үйл явдалын хуанли
SEPTEMBER 2020
SUN M T W TH F S
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
Статистик
Нийт зочид 6368697
Өнөөдөр зочилсон 6068
Нийт мэдээлэл 73
Нийт холбоос 1
Нийт зураг 32
Батлан Хамгаалах Яам © 2009. Бүх эрх хуулиар баталгаажсан.