Санал асуулга
Санал асуулга байхгүй байна!
Дэлхийн цаг
Ulaanbaatar, Mongolia
Kabul, Afghanistan
Khartoum,Sudan
Juba,South Sudan
Мэдээ, мэдээлэл
2020 оны 08 сарын 11 | enkhtuvshin
   

Монгол Улсын Засгийн газрын гишүүн, Батлан хамгаалахын сайд Г.Сайханбаяр Австрали Улсаас Монгол Улсад суугаа Онц бөгөөд Бүрэн эрхт Элчин сайд Дэйв Воусэнийг хүлээн авч уулзлаа.

Элчин сайд Воусэн Батлан хамгаалахын сайд Г.Сайханбаярт өндөр хариуцлагатай бөгөөд нэр хүндтэй албанд томилогдсонд баяр хүргээд Монгол, Австралийн батлан хамгаалах бодлого, хамтын ажиллагааны яриа хэлэлцээр, зөвлөлдөх уулзалтуудыг удаа дараа ахлан, хоёр талын харилцааг бэхжүүлэх үйлст анхаарлаа хандуулан, үнэтэй хувь нэмэр оруулж ирсэнд талархаж байгаагаа илэрхийлэв.

2020 оны 08 сарын 10 | enkhtuvshin
   

Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга, Зүүнбаян-Тавантолгой чиглэлийн төмөр замын бүтээн байгуулалтын ажилтай танилцлаа. Монгол Улсын Ерөнхийлөгчийг дагалдаж УИХ-ын гишүүн Б.Дэлгэрсайхан, Засгийн газрын гишүүн, Батлан хамгаалахын сайд Г.Сайханбаяр, ЗХЖШ-ын дарга, хошууч генерал Д.Ганзориг, Батлан хамгаалах яамны Бодлогын хэрэгжилтийг зохицуулах газрын дарга, хурандаа Х.Батсайхан болон бусад албаныхан ажиллалаа. 

2020 оны 08 сарын 10 | enkhtuvshin
   

Монгол Улсын Засгийн газрын гишүүн, Батлан хамгаалахын сайд Г.Сайханбаяр өнгөрсөн мягмар гаригт Зэвсэгт хүчний Жанжин штабын үйл ажиллагаатай танилцсан бол түүний ажлын айлчлал энэ удаад Байлдааны гавьяаны улаан тугийн одонт, жанжин Д.Сүхбаатарын нэрэмжит Зэвсэгт хүчний 336 дугаар ангид үргэлжиллээ.

2020 оны 08 сарын 10 | enkhtuvshin
   

Засгийн газрын гишүүн, Батлан хамгаалахын сайд Г.Сайханбаяр Бүгд Найрамдах Турк Улсаас Монгол Улсад суугаа Элчин сайд Ахмет Язалыг хүлээн авч уулзав. Уулзалтын эхэнд Батлан хамгаалахын сайд Г.Сайханбаяр Монгол Улсын Гадаад бодлогын үзэл баримтлалд БНТУ-ыг гуравдагч хөрш хэмээн заасан бөгөөд хоёр улс нь түүх, соёлын уламжлалаа эрхэмлэн, найрсаг харилцаа, хамтын ажиллагаагаа өргөжүүлэн хөгжүүлж байгаад баяртай байдгаа илэрхийлэв.

2020 оны 08 сарын 10 | enkhtuvshin
   

Батлан хамгаалахын дэд сайд Б.Баярмагнай, БХЯ-ны Төрийн захиргааны удирдлагын газрын дарга, хурандаа Д.Баасандамба нар Батлан хамгаалах, Зэвсэгт хүчний төв хэвлэл “Соёмбо” сонины үйл ажиллагаатай танилцлаа.

2020 оны 08 сарын 06 | enkhtuvshin
   

Монгол Улсын Засгийн газрын гишүүн, Батлан хамгаалахын сайд Г.Сайханбаяр БНХАУ-аас Монгол Улсад суугаа Онц бөгөөд Бүрэн эрхт Элчин сайд Чай Вэнь Рүйг 07 дугаар сарын 28-ны өдөр БХЯ-нд хүлээн авч уулзав. Хоёр орны Батлан хамгаалах салбарын харилцаа, хамтын ажиллагаа сүүлийн жилүүдэд тасралтгүй өргөжин хөгжиж, олон бодит үр дүнд хүрч, хоёр орны иж бүрэн стратегийн түншлэлийн харилцааг хөгжүүлэхэд чухал хувь нэмэр оруулж байгаад сэтгэл хангалуун байгааг талууд харилцан илэрхийлж, цаашид олон хэлбэр, агуулгаар хамтын ажиллагааг бэхжүүлэх асуудлаар санал солилцлоо.

2020 оны 08 сарын 06 | enkhtuvshin
   

Монгол Улсын Засгийн газрын гишүүн, Батлан хамгаалахын сайд Г.Сайханбаяр АНУ-аас Монгол Улсад суугаа Онц бөгөөд Бүрэн эрхт Элчин сайд Майкл С.Клеческийг 7 дугаар сарын 31-ний өдөр БХЯ-нд хүлээн авч уулзлаа.

2020 оны 08 сарын 06 | enkhtuvshin
   

Монгол Улсын Засгийн газрын гишүүн, Батлан хамгаалахын сайд Г.Сайханбаяр 08 дугаар сарын 04-ний өдөр ЗХЖШ-т ажиллалаа.

Батлан хамгаалахын сайд Г.Сайханбаярыг Төрийн хүндэт харуул, ҮЖҮНХ-ийн хөгжмийн бие бүрэлдэхүүн жагсан угтаж, хүндэтгэл үзүүлсний дараа ЗХЖШ-ын дарга, хошууч генерал Д.Ганзориг ЗХЖШ-ын өнөөгийн байдал, үйл ажиллагаа, хэтийн төлөвийн талаар дэлгэрэнгүй танилцуулав. Танилцуулгад ЗХЖШ-ын даргын зөвлөлийн гишүүд байлцав.

2020 оны 08 сарын 06 | enkhtuvshin
   

Батлан хамгаалах яамны Төрийн нарийн бичгийн даргын албан үүргийг түр орлон гүйцэтгэгчээр тус яамны Санхүүгийн хэлтсийн дарга, хурандаа Д.Ганхуяг томилогдон үүрэгт ажилдаа орлоо. Засгийн газрын хэрэг эрхлэх газрын төсөл, хөтөлбөр хариуцсан дэд дарга Б.Энх-Амгалан Батлан хамгаалах яамны Төрийн нарийн бичгийн даргын албан үүргийг түр орлон гүйцэтгэгч, хурандаа Д.Ганхуягт тамгыг нь гардуулан өглөө.

2020 оны 07 сарын 23 | enkhtuvshin
   

Монгол Улсын Засгийн газрын гишүүн, Батлан хамгаалахын сайд Г.Сайханбаяр Оросын Холбооны Улсаас Монгол Улсад суугаа Онц бөгөөд Бүрэн эрхт Элчин сайд И.К.Азизовыг өөрийнх нь хүсэлтээр хүлээн авч уулзлаа.

Уулзалтын үед Элчин сайд И.К.Азизов Батлан хамгаалахын сайд Г.Сайханбаярт Батлан хамгаалахын сайдын албан тушаалд томилогдсонд баяр хүргэж, ажлын амжилт хүсэв.

Нийт хуудас - 139   
1
Үйл явдалын хуанли
AUGUST 2020
SUN M T W TH F S
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Статистик
Нийт зочид 6219028
Өнөөдөр зочилсон 362
Нийт мэдээлэл 76
Нийт холбоос 1
Нийт зураг 32
Батлан Хамгаалах Яам © 2009. Бүх эрх хуулиар баталгаажсан.